rml_rhb/32-JON.usfm

\id JON RML_RHB rml_Baltic⋅Romani_ltr - RusskaRoma Holy Bible Mon Apr 25 2022 21:12:40 GMT+0300 (GMT+03:00) tc
\usfm 3.0
\ide UTF-8
\h Ионы
\toc1 Книга пророка Ионы
\toc2 Ионы
\toc3 Jon
\mt Ионы
\cl Шэро
\c 1
\p
\v 1 Сыс лав Дэвлэ́стыр Я́хвэ кэ Ио́на, кэ чяво́ Амафиино́скиро, лэ́скэ сыс пхэндо́. 
\v 2 «Вшты, и джя́ дэ Нине́вия, баро́ фо́ро, и роспхэ́н одо́й сарэ́нгэ, со лэ́нгирэ на́ лаче́ захалэ́ ры́нды догинэ́ ко Дэвэ́л». 
\v 3 И вштыя́ Ио́на, соб тэ нашэ́л Дэвлэ́стыр до фо́ро Фарси́со, и явья́ до Йа́ффо. Попэя́ кара́блё, саво́ джя́лас до Фарси́со, покиндя́ пал штэ́то соб лэс тэ долыджя́н и загия́ пэ лэ́стэ, соб тэ уджя́л Дэвлэ́скирэ якхэ́ндыр до Фарси́со. 
\v 4 Нэ Дэвэ́л бичявдя́ ба́ри бава́л по мо́рё, и паны́ лыя́ тэ гадэ́лпэ дя́кэ со кара́блё на́бут на розмардя́пэ. 
\v 5 Здара́ндынэ сарэ́ мануша́ савэ́ сыс по кара́блё, и годла́са, заракирдэ́ кэ пэ́скирэ дэвэла́. И лынэ́ тэ вычюрдэ́н караблё́стыр саро́ пхарипэ́н, ваш дова́, соб кара́блё тэ авэ́л локхэды́р. А Ио́на змэкья́пэ машкира́л до кара́блё, и пасия́ тэ совэ́л. 
\v 6 Кэ ёв подгия́ шэрало́ караблё́скиро и пхэндя́ лэ́скэ: «Со ту совэ́с? Вшты, и ма́нгпэ годла́са кэ пэ́скиро Дэвэ́л. Мэк тыро́ Дэвэ́л шунэ́ла и заракхэ́ла амэ́н, и амэ́ на хасёва́са!» 
\v 7 И сарэ́ моря́ки ракирэ́нас екх екхэ́скэ: «Авэ́н, чюрда́са жре́биё и уджина́са, кон банго́ дэ дая́ би́да.». И чюрдынэ́ жре́биё, и ёв сыкадя́ пэ Иона́стэ. 
\v 8 И пхэндэ́ лэ́скэ: «Роспхэ́н амэ́нгэ, пал-со явья́ адая́ би́да? Со́са ту залэ́спэ и катсы́р ту традэ́с? Савэ́стыр ту форо́стыр и савэ́ндыр ту манушэ́ндыр?» 
\v 9 И пхэндя́ лэ́нгэ: «Мэ еврее́ндыр, мэ патя́в до Я́хвэ, Ёв Дэвэ́л болыбна́ско, Саво́ скэрдя́ мо́рё и пхув». 
\v 10 И здара́ндынэ дрыва́н мануша́ и пхэндэ́ лэ́скэ: «Со́скэ ту дава́ кэрдя́н?» Мануша́ уджиндэ́, со Ио́на нашэ́л Дэвлэ́стыр, сыр ёв кокоро́ роспхэндя́ лэ́нгэ. 
\v 11 И пхэндэ́ лэ́скэ: «Со амэ́ тэ кэра́с ту́са, соб тэ уштылё́л мо́рё ваш амэ́нгэ?», пал дава́ со мо́рё дрыва́н гадыя́пэ. 
\v 12 И пхэндя́ лэ́нгэ: «Лэ́нте ман и вычюрдэ́н до мо́рё, и мо́рё уштылё́ла. Мэ джина́в, со тумэ́ попэнэ́ дэ дая́ би́да пал ма́ндэ». 
\v 13 Нэ мануша́ лынэ́ дрыванэды́р тэ грибинэ́н кэ пхув, а лэ́ндэ ничи́ на выджя́лас долэ́скэ со по мо́рё сыс бари́ бава́л.
\v 14 И загодлынэ́ ко Я́хвэ и пхэндэ́: «О! Я́хвэ, мэк амэ́ на хасёва́са пал адалэ́ манушэ́стэ, и мэк на загинэ́лапэ амэ́нгэ нанэ́ банго́ рат. Пал дова́, со Ту Я́хвэ, кэрдя́н дова́, со Ту́кэ трэ́би!» 
\v 15 Ёнэ́ лынэ́ Иона́с и вычюрдынэ́ до мо́рё, и мо́рё заштылыя́. 
\v 16 Здара́ндынэ адалэ́ мануша́ Дэвлэ́стыр Я́хвэ затринскирдэ́пэ дрыва́н. И зачиндэ́ жэ́ртва ваш Я́хвэ и солахадэ́ Лэ́скэ. 
\v 17 И бичявдя́ Я́хвэ барэ́с маче́с тэ проглотинэ́л Иона́с, и Ио́на сыс машкира́л до пэр адалэ́ маче́стэ трин дэвэ́с и трин ратя́.
\c 2
\p
\v 1 И помангья́пэ Ио́на ко Я́хвэ, Дэвэ́л пэ́скиро, сыр сыс до пэр ко мачё́. 
\v 2 И пхэндя́: «До пхарипэ́н миро́ прикхардё́м Дэвлэ́с мирэ́с и Ёв шундя́ ман, долэ́ свэто́стыр загодлыё́м мэ Ту́кэ, и Ту шундя́н ман. 
\v 3 Ту чюрдыя́н ман до паны́, машки́р мо́рё, кай паны́ сыс сарэ́ндыр ригэ́ндыр. Сарэ́ во́лны Тырэ́ проджя́нас паш ма́ндэ. 
\v 4 Мэ пхэндё́м: «Ту вытрадыя́н ман и накамэ́с тэ дыкхэ́с пэ ма́ндэ, нэ мэ думина́в, со мэ дыкха́ва свэ́нто кхэр Тыро́». 
\v 5 Облынэ́ ман паня́ кэ ило́, таса́дёвав, пани́тко чяр закхувдя́ миро́ шэро́. 
\v 6 Мэ пэё́м одо́рик катсы́р барьё́н о бэ́рги пхув закэрдя́ ман пэ́скирэнса клэдынэ́нса, нэ Ту Я́хвэ Дэвэ́л миро́ вытырдыя́н одотхы́р ман.
\v 7 Сыр ило́ миро́ тэрдё́лас, мэ зрипирдё́м пал Ту́тэ Я́хвэ, и мангьё́мпэ Ту́кэ и Ту ушундя́н ман дэ свэ́нто кхэр Тыро́. 
\v 8 Кон гинэ́л хоханэ́н дэвлэ́н и джял пал лэ́ндэ, дова́ ачкирдя́ ковлэ́ илэ́скирэс Дэвлэ́с,
\v 9 а мэ яна́ва Ту́кэ жэ́ртва лавэ́нса лошалэ́нса. Со пхэндё́м, кэра́ва. Я́хвэ заракхэ́ла!» 
\v 10 И пхэндя́ Я́хвэ маче́скэ, и ёв вычюнгардя́ Иона́с пэ шуки́ пхув.
\c 3
\p
\v 1 Ави́р мо́ло Я́хвэ ракирдя́ ко Ио́на: 
\v 2 «Вшты и джя́ дэ Нине́вия баро́ фо́ро и роспхэ́н лэ́нгэ лав, саво́ Мэ пхэндё́м ту́кэ». 
\v 3 И вштыя́ Ио́на и гия́ дэ Нине́вия, сыр пхэндя́ лэ́скэ Я́хвэ. А Нине́вия сыс барэ́ форо́са ко Дэвэ́л, пэ трин дэвэ́с тэ джя́ пэза́л. 
\v 4 И пхирэ́лас Ио́на пир фо́ро саро́ дэвэ́с, и роспхэнэ́лас манушэ́нгэ: «Проджя́ла сара́нда дэвэ́са и Нине́вия авэ́ла розмарды́!» 
\v 5 И пат́яндынэ ниневитя́ны дэ Дэвлэ́стэ и пхэндэ́, сарэ́ кон баро́ чи тыкно́ тэ лэн по́сто и тэ вре́нпэ дэ гоны́тко и́дя.
\v 6 И догия́ дава́ лав ко хула́й ца́рё Ниневия́киро. И вштыя́ ца́рё пэ́скирэ штэто́стыр, злыя́ ца́рско и́дя пэ́скири и уридя́пэ дэ и́дя гонэ́стыр и бэстя́ до пра́хо. 
\v 7 И припхэндя́ тэ годлэ́н и тэ ракирэ́н пир сари́ Нине́вия лэ́скирэ лавэ́стыр и лэ́скирэ манушэ́ндыр: «Мэк ни мануша́, ни хулаибэ́н, ни гурува́, ни бакрэ́ ничи́ тэ на хан и паны́ тэ на пьен, 
\v 8 учякирэ́н дэ гоны́тко и́дя манушэ́н и саро́ хулаибэ́н и мэк мангэ́нпэ ко Дэвэ́л,  отрисё́н захалэ́ дромэ́ндыр пэ́скирэндыр, и на́кэрэн бэзэ́х тумарэ́нса вастэ́нса.
\v 9 Нико́н на джинэ́л, Дэвэ́л залэ́ла Пэ́скири хо́лы палэ́ и заракхэ́ла амэ́н, отлыджя́ла амэ́ндыр Пэ́скири хачкирды́ хо́лы, чи на и амэ́ на хасёва́са ».
\v 10 Дэвэ́л удыкхья́ лэ́нгиро джиипэ́н, со ёнэ́ ачядэ́ пэ́скирэ на́ лаче́ ры́нды, и отрисинэ́ захалэ́ дромэ́ндыр, Ёв сыкадя́ лэ́нгэ Пэ́скиро ковло́ ило́, и на хаскирдя́ адалэ́н манушэ́н сыр ракирэ́лас.
\c 4
\p
\v 1 Начялыя́ саро́ дава́ Иона́скэ и ёв сыс дрыва́н холямо́.
\v 2 И помангья́пэ ёв Дэвлэ́скэ и пхэндя́:«О Я́хвэ! Чи На пхэндё́м мэ Ту́кэ дава́, сыр сыс дэ пэ́скиро фо́ро? Пал дава́ мэ и праста́ндыём до Фарси́со, мэ джиндё́м, со Ту — Дэвэ́л саво́ кэрэ́с лачипэ́н и Ту ковло́ илы́тко и Ту́тэ бари́ зор тэ зрикирэ́с Пэс, барвало́ илэ́са и Ту на камэ́с, соб тэ авэ́л би́да. 
\v 3 А кана́, Дэ́вла, залэ́ миро́ джиипэ́н ма́ндыр, пал дава́, со ма́нгэ хвэды́р тэ мэра́в, и тэ на́ джива́в. 
\v 4 И пхэндя́ Я́хвэ: « Со́скэ тут дя́кэ холякирдя́ дава́?» 
\v 5 И выгия́ Ио́на форо́стыр и тэрдыя́ пэ вовсто́чно риг форо́стыр, и кэрдя́ одо́й пэ́скэ ша́тра, и бэстя́ дэ ла́тэ кхамэ́стыр, соб тэ дыкхэ́л, со авэ́ла форо́са. 
\v 6 Выбарьякирдя́ Я́хвэ Дэвэ́л бари́ чяр. Ёй гадыя́пэ паш Иона́стэ, соб лэ́скиро шэ́ро тэ на пэ́кэл кхам, и соб тэ оджя́л лэ́стыр холы́. Ио́на сыс лошало́ адалэ́ чярья́кэ барэ́ лоша́са. 
\v 7 Пэ ави́р дэвэ́с Дэвэ́л бичявдя́ кирмэ́с тэ подха́л дая́ чяр, и ёй зашутия́. 
\v 8 И сыс дя́кэ, со сыр кхам згия́, Дэвэ́л бичявдя́ таты́ бава́л. И кхам лыя́ тэ пэкэ́л шэро́ Иона́скэ дя́кэ, со лэ́стэ на сыс зор и ёв мангья́, соб лэ́скэ тэ мэрэ́л, ракирдя́: «Хвэды́р мэ тэ мэра́в, тэ на́ джива́в». 
\v 9 И пхэндя́ Дэвэ́л Иона́скэ: «Со́скэ ту дрыва́н холя́сыян пал-дая́ чяр?» Ёв пхэндя́: Мэ дя́кэ дрыва́н холя́сыём, со на кама́м тэ джива́в». 
\v 10 И пхэндя́ Я́хвэ: «Ту́кэ дор дая́ чяр, кай ту ничи́ на кэрдя́н и на барьякирьдя́н ла, сави́ пал екх рат выбария́ и пал екх рат хасия́. 
\v 11 Сыр Мэ тэ на́ зракха́в Нине́вия — баро́ фо́ро, дэ саво́ дживэ́н буты́р шэл биш баря́ манушэ́н, савэ́ на джинэ́н кай пра́во васт кай ле́во васт и савэ́ндэ бут хулаибэ́н?»