131 lines
11 KiB
Plaintext
131 lines
11 KiB
Plaintext
\id JON - Crimean Romani Bible
|
||
\toc1 Э книжка э прарокески Ионаски
|
||
\toc2 Иона
|
||
\toc3 Иона
|
||
\mt1 Э книжка э прарокески Ионаски
|
||
\c 1
|
||
\s О Иона нашэл катар Дэл
|
||
\p
|
||
\v 1 О Сагбус о Яхвэ пхэнляс э Ионаски, чявэски э Амиттаески:
|
||
\p
|
||
\v 2 — Ущи, джя андэ бари диз ки Ниневия тай пхэн манушэнги, о габэри лэнги джюнгалимастар ало джи Мандэ.
|
||
\p
|
||
\v 3 Ай о Иона кидиняспэс тэ нашэл катар Сагбус Яхвэ андэ Таршыш. Ов гело андэ Яффа, аракхляс карабляс, кай джял андэ Таршыш, покиндяс андар дром, бэшло опэр лэстэ, тэ джял катар Сагбус Яхвэ.
|
||
\p
|
||
\v 4 Ай о Сагбус о Яхвэ ваздиняс опэр пани бари зорали балвал, тай ваздиндило аякха лачес о пани, кай о карабляс сас газыри тэ хурдёл.
|
||
\v 5 О марякя трашанилэ, тай кажни лиляс тэ мангел пэ дэвлэс. Он читэ андэ пани алаи о шэя, савэ сас опэр карабляс, ов тэ локёл.
|
||
\p Ай о Иона мукляспэс андэ трюми, пашлило отхэ тай лачес суто.
|
||
\v 6 О капитани ало лэстэ тай пхэнляс:
|
||
\p — Со сан суто? Ущи, манг тэ Дэвлэс! Файма, Ов кан дикхел амэн, тай амэ на кан мэрас.
|
||
\p
|
||
\v 7 О марякя пхэнлэ екхаврэски:
|
||
\p — Эла чяс жреби тай галяс, андар кастэ амэндэ уло адава хатас.
|
||
\p Он читэ жреби, тай о жреби пэло опэр Иона.
|
||
\p
|
||
\v 8 Дэчи он пхучлэ лэс:
|
||
\p — Пхэн амэнги, кон эси дошало адалэ хатаски? Соса казандиес? Катар авэс? Со пхуятар ту сан? Андар со дюнястэ?
|
||
\p
|
||
\v 9 Ов пхэнляс:
|
||
\p — Мэ евреи тай гинав э Сагбус э Яхвэс, э Дэвлэс опрунэс, Саво кердяс о пани тай э пху.
|
||
\p
|
||
\v 10 О Иона пхукавдяс лэнги, кай ов нашэл катар Сагбус Яхвэ. Кана он адалэстар галилэ, он бут трашанилэ тай пхучлэ:
|
||
\p — Со ту кердян?
|
||
\p
|
||
\v 11 Ай о пани ваздиндёлас май лачес тай лачес, тай дэчи он пхучлэ лэс:
|
||
\p — Со амэнги тэ керас туса, тэ тэрдёл о пани ангал амэндэ?
|
||
\p
|
||
\v 12 — Лэн ман тай чен андэ пани, — пхэнляс ов, — тай ов кан тэрдёл ангал тумэндэ. Мэ джянав, кай адая бари зорали балвал пэли опэр тумэндэ андар мандэ.
|
||
\p
|
||
\v 13 Ай он лилэ май зоралэс тэ дэн джялдави, тэ пашон ки пху, ай он адава нащи кердэ, вай о пани ваздиндёлас май лачес тай лачес.
|
||
\v 14 Дэчи он лилэ тэ манген э Сагбус э Яхвэс:
|
||
\p — Сагбус Яхвэ, ма дэ тэ мэрас андар адалэ манушэстэ. О мэрипэ э бидошалэ манушэско мэ на овэл опэр амэндэ, вай Ту, Сагбус Яхвэ, керэс одова, со мангес Ту.
|
||
\p
|
||
\v 15 Дэчи он лилэ э Ионас, читэ лэс андэ пани, тай о пани тэрдило.
|
||
\v 16 О марякя лачес трашанилэ катар Сагбус Яхвэ, кердэ э Сагбуски э Яхвэски курбани тай халэ совля.
|
||
\c 2
|
||
\s О Иона мангел э Дэвлэс
|
||
\p
|
||
\v 1 О Сагбус о Яхвэ бичялдяс барэ мачес, тай ов накхавдяс э Ионас. О Иона сас андэ маческо пэр трин дес тай трин ратя.
|
||
\v 2 Кана сас андэ маческо пэр, о Иона мангелас пэ Дэвлэс э Яхвэс.
|
||
\v 3 Ов пхэнляс:
|
||
\q1 — Андэ хурлуки мэ манглём э Сагбус э Яхвэс ,
|
||
\q3 тай Ов пхэнляс манги.
|
||
\q1 Андар хорипэ ко дюняс ки мулэнго\f + \fr 2.3 \ft Евр. «шэол».\f*
|
||
\q3 мэ динём бэбэря —
|
||
\q3 тай Ту шунлян ми бэбэря.
|
||
\q1
|
||
\v 4 Ту читян ман андэ хорипэ,
|
||
\q3 андэ ило ки панеско;
|
||
\q3 агорадылар ман о паня.
|
||
\q1 Алаи Тэ кубукенги паня
|
||
\q3 накхлэ опрал мандэ.
|
||
\q1
|
||
\v 5 Мэ пхэнлём:
|
||
\q3 «Кувдимэ мэ Тэ якхендар;
|
||
\q3 ай мэ генэ кан дикхав о шужо храми Тинро».
|
||
\q1
|
||
\v 6 О паня учярдэ ман,
|
||
\q3 о хорипэ агорады ман,
|
||
\q3 тай э панески чяря колисаилэ мэ шэрэстэ.
|
||
\q1
|
||
\v 7 Ко днас, ко кориня ки горадэнги мэ фулистинём,
|
||
\q3 о клидя э пхуяки пханлилэ пал мандэ алаи э вахытески,
|
||
\q1 ай Ту, Яхвэ, Дэл минро,
|
||
\q3 никалдян ман андар хорипэ дживиндэс!
|
||
\q1
|
||
\v 8 Кана о бэшыпэ бытиелас андэ мандэ,
|
||
\q3 мэ катар Сагбус Яхвэ тюшундым,
|
||
\q3 тай гело мо мангипэ джи Тутэ,
|
||
\q3 андэ шужо храми Тинро.
|
||
\q1
|
||
\v 9 Одола, кон гинэл э чюче дэвлэн,
|
||
\q3 ачявдэ по пакяпэ Туки.
|
||
\q1
|
||
\v 10 Ай мэ лошанэ гиленца кан анав Туки курбанен.
|
||
\q3 Кай халём совля — кан керав.
|
||
\q1 О кутардипэ — катар Сагбус Яхвэ!
|
||
\p
|
||
\v 11 О Сагбус о Яхвэ пхэнляс э мачески, тай ов читяс э Ионас опэр пху.
|
||
\c 3
|
||
\s О Иона джял ки Ниневия
|
||
\p
|
||
\v 1 О Сагбус о Яхвэ пхэнляс э Ионаски дуйто рази:
|
||
\p
|
||
\v 2 — Ущи, джя андэ бари диз ки Ниневия тай пхэн манушэнги, со Мэ туки пхэнав.
|
||
\p
|
||
\v 3 О Иона тхэдяскан э Сагбус э Яхвэс збора тай кидиняспэс, гело ки Ниневия. Э Ниневия сас Дэвлэски бари диз — тэ накхес ла камэлас трин дес.
|
||
\v 4 О Иона диняс андэ диз тай састо дес перэлас тай бэбэряса пхэнэлас: «Генэ саранда дес, тай э Ниневия кан овэл хурдярди!»
|
||
\v 5 О ниневитяня пакянилэ э Дэвлэски тай лилэ оразас, тай алаи — катар барвало джи ко чёро — урявдэ гонэски савутя.
|
||
\p
|
||
\v 6 Кана адава габэри гело джи ко патишаи ки Ниневияко, ов ущино пэ тронестар, читяс пэ патишаитика савутя, урявдяс гонэски савутя тай бэшло андэ прахос.
|
||
\v 7 О патишаи кидиняс пэ барэ манушэн, тай екхетханэ он андэ Ниневия пхэнлэ асавко тхэдипэ:
|
||
\p «О мануша мэ на хан тай мэ на пиен. Тай о гайваня мэ на джян тэ чярён тай тэ пиен пани.
|
||
\v 8 Мэ урявэн ли э манушэн, ли э гайванен гонэски савутя. Кажни андар алаи пэ зоратэ мэ мангел э Дэвлэс. Мэ тэрдён тэ керэн джюнгалэ дилэс тай канлыки.
|
||
\v 9 Кон джянэл, файма, о Дэл кан паровэл, со тюшундиелас, кан аядиел амэн тай кан тэрдёл тэ холязэл, тай амэ на кан мэрас».
|
||
\p
|
||
\v 10 Кана о Дэл дикхляс одова, со он кердэ, тай сар он ачявдэ пумарэ джюнгалэ дилэс, Ов кердяс мила лэнги тай на бичялдяс опэр лэндэ джюнгалипэ, саво Ов мангляс тэ бичялэл.
|
||
\c 4
|
||
\s О Дэл сиклярэл э Ионас
|
||
\p
|
||
\v 1 О Иона холясаило, бут холясаило.
|
||
\v 2 Ов лиляс тэ мангел э Сагбус э Яхвэс:
|
||
\p — Сагбус Яхвэ, та со, мэ на адава пхэнавас, кана дага сомас кхерэ? Оничин мэ нашлём андэ Таршыш. Мэ джянавас, кай Ту о Дэл, саво керэл лачипэ тай мила, бутэдаяндимаско тай бутэдэхымаско тай Ту касывэтлыс андар бибахталипэ.
|
||
\v 3 Ай акана, Сагбус Яхвэ, лэ мо бэшыпэ, вай манги зиядэ тэ мэрав, ниш тэ бэшав.
|
||
\p
|
||
\v 4 Ай о Сагбус о Яхвэ пхэнляс:
|
||
\p — Лачё туки тэ холязэс?
|
||
\p
|
||
\v 5 О Иона никлисто тай бэшло карин вастоки катар диз. Отхэ ов кердяс пэски катуна катар ровля, бэшло тэлал андэ салкыни тай лиляс тэ ишандиел, со кан овэл э дизаса.
|
||
\v 6 Ай о Дэл о Яхвэ кердяс аякха, кай барило кущёки, саво ваздиндило опэр Иона, о салкыни опэр лэски шэрэстэ тэ кутардиел лэс катар кхам, тай о Иона бут лошасаило адалэ кущёкески.
|
||
\v 7 Ай ангал сабахтанятэ авэр дес о Дэл бичялдяс кермэс, саво халяс о кущёки, тай ов шукило.
|
||
\v 8 Кана о кхам ваздиндило, о Дэл бичялдяс тхари васточни балвал, тай о кхам лиляс тэ тхарэл о шэро э Ионаско аякха, кай э зор ачявэлас лэс. Ов мангляс тэ мэрэл тай пхэнляс:
|
||
\p — Зиядэ си манги тэ мэрав, ниш тэ бэшав.
|
||
\p
|
||
\v 9 Ай о Дэл пхэнляс э Ионаски:
|
||
\p — Лачё туки тэ холязэс андар кущёки?
|
||
\p — Лачё! — пхэнляс ов. — Лачё на екх тэ холязав, ами джи тэ мэрав.
|
||
\p
|
||
\v 10 Ай о Сагбус о Яхвэ пхэнляс:
|
||
\p — Ту аядиес о кущёки, саво ту на барярдян. Ов андэ рат барило тай андэ рат шукило.
|
||
\v 11 Манги дэчи тэ на аядияв э бари диз э Ниневия, катэ си бут гайваня тай бут шэлэ бишэ бине манушэндар, савэ на джянэн, со си лачё, тай со си джюнгало?
|